Qand i copàa èl sì

di Candida Gottardi

L’era asé ‘na us:” curì…ì còpa èl sì.
D’enturen da löch, stale e contrade,
riàa curius, de ul, èn ròs de gnari,
i piö picinì èn bras a le so mame.
Per èn spetacol d’engremì la pel.

Sota èn portèch, tacàt a ‘na tresera,
pindìa le corde endo, spartit per mès,
i ligàa èl sì, nüd nüdent, zamò pelat.
L’era èn patibol per giü, chè poarì,
èl ghìa sul ‘na culpa:d’eser bu fés!

Sura èn gran föch de paia e de fasine,
buìa l’aiva d’èn paröl, töt ströt de calì.
Spiegaa el copadur:”  chesti i’èl cör
e la corada, con gamisel de bodèi”.
Del sì cari i me sc’èc’ sa böta via niènt.

On an, sere picinina, fiocàa de lena
e la nef,col föm le fiame e le falìe,
la sterluzìa töta, istès de n’aparisiù.
Èl sì, capìt chè per lü l’era finìda,
via a scapà, ma l’è subit sprofondat.

Apena i l’ha riat e i g’ha scanat èl cör,
s’è slargat cald èl sanch èn fond a l’ era,
co ‘na macia rossa, che someàa viva,
èn mès a töt chèl bianch stindìt èn tera,
èn mès al bianch, chè ignìa zo dal ciel.

Candida Gottardi – Gennaio 2019

1 pensiero su “Qand i copàa èl sì

  1. mi piace il dialetto e lei signora Candida lo fa riviver nel cuore della gente non piu giovane, mi sono permessa di leggera una sua poesia , “vent dè pasiù” che ha suscitato molta allegria nelle persone presenti in un teatro,le chiedo gentilmente se può mandarmi ancora una ,presente in questo opuscolo che ho letto in quel di urago mella grazie
    RESI

Lascia un commento

Il tuo indirizzo email non sarà pubblicato. I campi obbligatori sono contrassegnati *